三月初時，我哋同大家報導過Steam鑑賞家「KABRUTUS」設立「Sweet Baby Inc Detected」遊戲「不推薦名單」，以對抗電玩界日益嚴重嘅「政治正確」風氣。時隔兩月，「Sweet Baby Inc Detected」名單嘅追蹤人數已突破38萬，而「「KABRUTUS」亦進一步成立「DEI Detected」網站，亦整一個更大規模、標記所有含「政治正確」元素遊戲嘅資料庫。

「Sweet Baby Inc Detected」名單嘅追蹤人數已突破38萬

所謂「DEI」，其實係指「Diveristy（多元）、Equity（公平）及Inclusion（共融）」，基本上亦即所謂「政治正確」嘅最重要元素。而「KABRUTUS」於「DEI Detected」網站上表示，網站係Steam上「Sweet Baby Inc Detected」名單嘅延伸，一方面容許佢擺脫Steam平台嘅限制，另一方面「Sweet Baby Inc並非唯一於遊戲內強推DEI元素的公司」，「是時候延伸出去，討論其他類似顧問公司對遊戲做了甚麼」。

網站主要分成兩大部份，「DEI Detected」治用「Sweet Baby Inc Detected」嘅方式，列出所有曾有DEI顧問公司參嘅遊戲，並附上證據（如於顧問公司網站被提及，或遊戲結尾名單中出現DEI顧問公司等）；而「DEI Free」頁面則「表揚那些尊重，而非想再教育玩家的遊戲（主要是獨立遊戲）」。另外「KABRUTUS」亦希望未來能夠將「DEI Detected」擴展到電影、劇集、動畫或其他媒體之上。

目前網站上列出嘅「DEI Detected」遊戲，大部份都係Sweet Baby Inc有份參與，新加嘅遊戲包括有「Black Girl Gamer」（公司名黎）參與嘅Square Enix遊戲《Foespoken》、以及近來因為更新女角身型而被批評、有Gaymer X參與嘅《Pokemon GO》。

資料來源：DEI Detected