據外媒《THR》報導，迪士尼旗下嘅二十世紀影業日前正式宣布重啟《移動迷宮（The Maze Runner）》系列電影，目前正接洽《超越潛能（Transcendence）》編劇Jack Paglen商討撰寫劇本，原三部曲監製Ellen Goldsmith-Vein、Lee Stollman 、 Wyck Godfrey以及Marty Bowen將回歸參與製作，而原三部曲導演Wes Ball亦會回歸擔任監製。

消息人士透露，今次重啟版並非重拍原版三部曲，亦唔係三部曲嘅直接續集，而係希望延續原有故事精神，同時帶回首集引起觀眾共嗚嘅元素。

《移動迷宮》三部曲改編自美國作家James Dashner同名小說，故事講述一個神秘組織將一群少年抹除記憶後，送到一個充滿殺人機械生物嘅巨型迷宮「Glade」，並每隔一段時間就送上衣服及食物等必需品，少年們為求逃出生天，發展出社會制度，並冒死不斷進入迷宮尋找出口，最終發現背後蘊藏更大嘅陰謀。電影首集於2014年上映，成功以3,400萬成本斬獲3.34億美元票房，雖然後來兩部續集評價一集不如一集，但三部曲合供大收10億美元票房。