曾為《機動戰士高達》阿寶、《聖鬥士星矢》星矢、《名偵探柯南》安室透等著名角色獻聲，現年70歲嘅著名聲優古谷徹最近被日媒《週刊文春》爆料，指佢同一位30多歲嘅Fans發生不倫關係長達4年半，並以法律手段迫使對方墮胎，引起網民熱烈討論。

據《週刊文春》報導，一名30多歲嘅女Fans喺2016年睇完名偵探柯南劇場版《純黑的惡夢》就徹底迷上古谷徹，甚至喺2018年入戲院重刷《零的執行人》高達45次，其後一直都有向古谷徹所屬事務所寄信件及禮物，直到2019年元旦收到古谷徹回覆嘅電話短訊後兩正式交往，古谷徹更會用安室透嘅聲音調情令女Fans慾罷不能。但後來因為該女Fans於2021懷孕，導致雙方關係惡化，古谷徹更透過暴力及法律手段逼迫女方墮胎。