由Epic Game推出嘅遊戲開發平台Unreal Engine於2022年5月推出到第5代，由於擁有極強大嘅圖像、3D模型處理能力，以及處理光線嘅全域光照與反射系統，所以能夠造出極為擬真嘅場景。就好似以下呢個伏見稻荷大社，就係用Unreal Engine 5整出黎。

製作呢個伏見稻荷大社嘅「Matt Newell」，其實本身都係一個遊戲開發者，並會於今年在Steam上推出現實世界攝影模擬遊戲《Lushfoil Photography Sim》，而伏見稻荷大社就係遊戲嘅其中一個場景。既然係攝影遊戲，場景嘅還原以及質素就當然就係重中之重，所以Matt Newell花咗相當多功夫去重現伏見稻荷大社。從佢YouTube公佈嘅影片可見，除咗第一身鏡頭移動時稍為缺乏走路時嘅起伏之外，可以話係相當像真。

有趣嘅係，Matt Newell於5年前曾經用Unreal Engine 4整過一次伏見稻荷大社。依家睇返就可以話係高下立見。