日清係日本著名嘅「不務正業」公司，但其實佢哋呢種風氣並不僅存於日本總公司，就連美國分公司亦時不時就推出啲聽個名就覺得唔對路嘅產品。好似最近佢哋就推出期間限定、北美限定嘅「Campfire S'mores」味道嘅新杯麵，希望成為露營愛好者嘅選擇。

所謂「S'mores」其實係「烤棉花糖巧克力夾心餅」，亦即用全麥餅乾夾住稍為火烤過嘅棉花糖以及朱古力，係北美、英國人去露營時會用營火整嘅點心之一。而美國日清推出嘅「Campfire S'mores」味道新杯麵，就標榜入面有齊餅乾、棉花糖同朱古力三大元素，再加少少煙燻味以模式營火嘅氣息。即係咁，「烤棉花糖巧克力夾心餅」聽落係好好食，但「烤棉花糖巧克力夾心餅杯麵」聽落去就幾唔開胃。不過見佢售價僅為1.28美金，即係10蚊港紙左右，或者有機會都可以買黎試下？

資料來源：Nissin