唔使講到動畫化咁遠，相信井上老師肯繼續畫埋落去，Fans們已經心滿意足。

隨住Netflix人氣動畫《奧術（Arcane）》第二季將於11月播出，法國動畫工作室Fortiche創辦人Pascal Charrue日前接受外媒《Crunchyroll》訪問，期間提到團隊在製作《奧術》時曾經從許多日本動畫大師汲取靈感，當中包括今敏、大友克洋、細田守、宮崎駿等等，甚至吳宇森嘅動作片亦係佢吔嘅靈感來源。當被問到如果可以將一部漫畫改編成動畫時，Pascal Charrue就表示佢同團隊會選擇井上雄彥嘅《浪客行》，認為呢部相當有深度而且令人驚嘆嘅藝術傑作，若然能夠以動畫形式呈現，必定係一部令人著迷嘅作品。

由井上雄彥所著嘅武俠漫畫《浪客行》自1998年起開始連載，故事以日本戰國末期至江戶時代為背景，講述劍豪宮本武藏波瀾壯闊傳奇一生，獨特嘅水墨畫風深受漫畫迷喜愛。雖然井上老師曾表示會在2010年畫出結局，但最後「走數」並於2015年宣佈無限期休刊，直到目前都未有更新。