為宣傳即將上映嘅《Deadpool & Wolverine》，最近Marvel與Microsoft聯乘推出特別版Xbox Series X主機，手掣更非常抵死咁還原出Deadpool招牌翹臀！

從宣傳照可見，呢款特別版Series X本體印上Deadpool戰衣及電影標題，並將Deadpool兩把武士刀「Bea」及「Arthur」以交叉形式置於機背。但講到最搞笑嘅，莫過於附機附送嘅兩個手掣，Microsoft將手掣背面嘅電池艙位置改成Deadpool招牌翹臀，表面亦還原出戰服紋路及皮帶，令玩家時時刻刻都摸住佢patpat打機。

但可惜嘅係，呢款特別版主機並唔會公開販售，只能透過抽獎活動獲得。大家只要追蹤Xbox官方X，並轉貼該活動貼文同時標籤「#XboxCheekyControllerSweepstakes」即可參加抽獎，由即日起至8月11日截止，想要嘅朋友請把握機會喇！

Make his finest asset yours

Follow & Repost with #XboxCheekyControllerSweepstakes for a chance to win a custom Xbox Series X console & 2 Cheeky Controllers designed by Deadpool.‌

Ages 18+. Ends 8/11/24. Rules: https://t.co/G41n6ykYIU@Marvel Studios' Deadpool and Wolverine, in… pic.twitter.com/hSHZiA3EPb

— Xbox (@Xbox) July 17, 2024