隨住《Deadpool & Wolverine》（死侍與狼人）將於24日正式上映，最近官方公開最後一部預告，除咗曝光「女Deadpool」及「Dogpool」全身造型，更大爆某位女角將強盛回歸！意唔意外，開唔開心？

＊＊溫馨提示：以下內容含劇透＊＊

在預告中，Deadpool收起搞笑寸嘴一面，深情地表示：「我知我每件事都用嚟講笑，但其實我好在乎。」並指出Wolverine係呢個世界最勁最重要嘅X-Men成員，懇求對方同自己組隊一齊拯救佢嘅親朋好友。與此同時，當年在《Logan》扮演小狼女「X-23」嘅Dafne Keen亦驚喜登場，成功激勵Wolverine重燃鬥志，答應Deadpool聯手對抗X教授邪惡雙胞胎妹妹Cassandra Nova。

業界預測《Deadpool & Wolverine》北美開畫票房將高達1.6-1.65億美元，若然預測成真，將成為本年度北美首映票房最好嘅電影，同時亦係影史上首映成績最好嘅R級電影，或者能夠一洗近年MCU頹勢。