「政治正確」風氣於荷里活出現多年，唔少台前幕後人員都因為觸犯各種「政確」紅線，而被批評甚至被「取消」。而因影集《Wednesday》而爆紅嘅「Jenna Ortega」，近日接受外媒訪問就指荷里活嘅「政確」風氣「缺乏真誠」，並期望有一個「和而不同」嘅世界。

在 Instagram 查看這則貼文

Jenna Ortega（@jennaortega）分享的貼文

Jenna Ortega日前接受《Vanity Fair》訪問，並提到近年荷里活越來越政治化嘅趨勢。「我哋嘅業界非常露骨地表達感情（Touchy-Feely），」佢向記者表示，「每個人都想政治正確，但我覺得咁樣會令我哋失去很多人性及誠信，因為當中缺乏真誠（Honesty）。」

「我希望大家可以有更好嘅對話。試想像如果所有人都可以講出佢哋心中所想而不會被批評，最多就係激發起一啲辯論而非爭吵。」不過似乎佢自己都知呢個想法難以實現，因為佢接下來就反問自己：「我係咪形容緊世界和平？」

在 Instagram 查看這則貼文

Jenna Ortega（@jennaortega）分享的貼文

Jenna Ortega並非首次對荷里活嘅政治正確行為作出反應。卻說去年11月，本應與佢一同主演《Scream 7》嘅墨西哥女演員Melissa Barrera因為於X（Twitter）發文支持巴勒斯坦，極速被電影製作公司Spyglass解約，Spyglass發出嘅公告更指「我們對反猶主義及任何形式嘅煽動仇恨都零容忍。」Jenna Ortega隨即以檔期衝突為由退出《Scream 7》。

資料來源：Vanity Fair