日本BANDAI旗下動漫時尚品牌Bandai Fashion Collection，最近驚喜推出《幽遊白書》人氣反派「戶愚呂弟」招牌太陽眼鏡，外形忠於原著並兼具實用性，讓用家重現戶愚呂弟霸氣造型。

呢款太陽眼鏡由「山森眼鏡」精心製作，鏡片透光率為15%，適合炎炎夏日及強光環境配戴，而用家亦可以自行到眼鏡店配製有度數嘅鏡片，既實用又時髦，就連戶愚呂弟本人、原型師、集英社編輯都讚好。

戶愚呂弟太陽眼鏡目前已於PREMIUM BANDAI網站開放預購，售價9,900日元（約HK$530），預計2025年2月發貨，不過運送地區只限日本，有興趣嘅朋友知點做啦。