藍牙技術即將迎來6.0版本，除咗進一步降低傳輸延遲及功耗，更加入全新技術Bluetooth Channel Sounding，能讓裝置定位更加精準，等大家更容易尋回失物。

藍牙技術聯盟(SIG)日前正式公布藍牙6.0版本核心規範，當中最受觸目莫過於一項名為「Channel Sounding」嘅技術，能讓兩個藍牙裝置之間(例如iPhone與Air Tag)實現精準測距，並達至厘米級精準度，有望大幅改善Apple「Find My」或Google「Find My Device」等尋找裝置服務，讓用戶能夠更快、更容易尋回失物。

另外，藍牙6.0亦改善了傳輸效率，變得更加隱定及降低功耗與延遲，同時增強了安全性，解決用於解鎖汽車或酒店房間所帶嚟嘅安全問題，確保手機與鎖之間嘅通信唔會被中間人攻擊或攔截。預計搭載藍牙6.0嘅裝置至少要等多一年時間才能正式投入應用，到時各位又準備好換過晒啲嘢。