為慶祝美國時間9月26日「The Last of Us Day」（遊戲中嘅疫情爆發日），HBO今日正式公開第二季前導預告，唔知Joel嘅結局會否跟足原著呢？

從預告可見，劇中唔少場景都相當還原遊戲風貌，除咗Joel、Ellie、Tommy等熟悉面孔，今季新加入嘅Abby(Kaitlyn Dever 飾)、Dina(Isabela Merced 飾)、Isaac(Jeffrey Wright 飾)亦陸續登場。據主創Craig Mazin早前透露，第二季改編幅度將同第一季一樣，即係有時會跟原著，有時又會作出一啲改編，而且因為第二集遊戲有更多故仔可以探索，所以只要觀眾有興趣而片商又肯投資，佢哋希望可以拍到第三甚至第四季。

HBO真人版《The Last of Us》第二季總共有7集，預計2025年內播出。