{ SKIP }
文:MenClub 魏文青  
POSTED ON 23 Oct 2024

早前我哋同大家報導過Christopher Nolan正在籌備新戲,而且曾與佢多次合作嘅Matt Damon終於有望「坐正」做男主角。近日就有新傳聞指出,「蜘蛛俠」Tom Holland會成為新戲演員之一。另外亦有關於目前仲係一個謎嘅劇情情報流出,但大家睇完可能會更加迷茫?

據《The Hollywood Reporter》報導,Tom Holland將會加入Nolan新戲。考慮到Tom Holland明年將要拍攝《Spider-Man 4》以及《Avengers》,而Nolan新戲亦係打算明年開機(2026年7月上映),所以檔期方面可能相當緊湊。

喺目前連故事係咩都唔知嘅情況下,當然唔知Tom Holland會演咩角色。所以究竟Nolan新戲係講啲咩呢?《THR》就引述知情人士指出,新戲故事「唔係發生於現代」,但就唔知係發生於過去定未來。

另一媒體《Gizmodo》於跟進報導中指出,目前Nolan新戲嘅故事傳聞有兩個,一個話會係一部類似1983年電影《藍霹靂(Blue Thunder)》嘅直升機動作電影、另一個話會係一部發生於1920年代嘅吸血鬼恐怖片。其中後者特別引人注意,事關《Black Panther 2》導師Ryan Coogler目前就拍緊一部同樣以吸血鬼為主題嘅電影《Sinners》,預計將於明年3月上映。換言之Nolan好可能又同人撞橋。

點解係「又」呢?因為Nolan已經唔係第一次同人撞橋。《Batman》呢個拍過N套電影嘅題材就唔講啦,例如Nolan用魔術師呢個題材於2006年10月推出《The Prestige(死亡魔法)》,但其實同年8月就有另一部又係發生於1890年代左右、又係用魔術師做主題嘅《The Illusionist(魔幻至尊)》。

但都係嗰句,目前以上關於Nolan新戲故事嘅都只係傳聞,Universal亦拒絕向媒體承認或否認上述傳聞。所以一切都還待揭曉。

資料來源:THRGizmodo

由金像大導James Cameron操刀嘅《阿凡達:火與燼(Avatar: Fire and Ash)》將於下月正式上映,但佢最近接受訪問時就坦言,若然今集賺得唔夠多、無法說服迪士尼再投資。咁佢就會放棄拍攝第4及第5集,改為寫一本書交 ...
hobby
【影視】 James Cameron直言《阿凡達3》若票房未達標 或終止後續電影改為寫書交代故事
28 Nov 2025
為慶祝高達全新官網GUNDAM Official Website正式上線,官方自10月10日起展開特別企劃《全世界高達總選舉2025》,邀請全球Fans票選出世上最受歡迎高達。隨住投票將於12月25日截止,近日官方公布中期結果Top 20名單, ...
hobby
【高達】《全世界高達總選舉2025》中期結果出爐 SEED系列機體強勢佔多席位
28 Nov 2025