為慶祝《一拳超人》動畫首播十周年，官方近日正式宣布第三季將於明年播出，並同步公開一連串慶祝活動，希望新一季唔會再係「PowerPoint式」打鬥啦...

隨住動畫即將迎來首播十周年，官方日前推出主題網站並公布一連串慶祝活動。除咗宣布第三季動畫將於2025年播出，更公開動畫十周年紀念宣傳片，以及一張雲集崎玉、疫苗人、深海王、波羅斯、索尼克、餓狼、傑諾斯、垂柳、龍捲等角色嘅宣傳海報。

除此之外，官方亦宣布會在明年9月14日在東京練馬文化中心舉行慶祝節目「One-Punch Man Serious Music Festival」，在現場演出過往動畫嘅片頭、片尾曲及配樂。

由日本漫畫家One原作、動畫工作室MADHOUSE製作嘅《一拳超人》自2015年播出後大受歡迎。後來在2019年J.C.STAFF接手製作第二季，但由於打鬥場面較以往遜色，動作生硬又唔連貫，所以評價不如第一季。據了解，第三季仍然會由J.C.STAFF操刀，希望佢哋今次會有改善啦。