網絡上流傳嘅「34號法則（Rule 34）」表明：「只要存在，就會有色色版本——無一例外」，所以所有你諗到及諗唔到嘅ACG元素，都會有相應嘅18禁同人作品，出名如《One Piece》當然亦唔會例外，而且通常都會惡搞當中嘅「惡魔果實」設定。而近日有網民發現，一個經常出演於《One Piece》18禁同人作嘅「18禁果實」，竟然出現於原作最新一話之中。莫非官方都認證18禁同人創作者嘅創意？

每晚夜深都會鑽研日本愛情動作片嘅大家應該知道，日文「イク」（讀音「熱菇」」）嘅意思係「去了」，通常都係表達角色「即將到達快感頂峰」。而過去好多以《One Piece》為藍本嘅18禁同人作品，都會創作一個「イクイクの実（去了去了果實）」，令角色擁有令人欲罷不能嘅能力，方便後續劇情發展。

而《One Piece》最新嘅1135話中，就赫然就出現一粒「イクイクの実」。雖然從前文後理推斷，呢個「イク」係來自日文「育成（いくせい）」中嘅「育」字發音「いく」，非官方中文翻譯亦將果實名稱譯作「育育果實」，而且能力上亦只係「令無機物變大」，擁有者仲要係一隻貓頭鷹，方方面面都同18禁同人誌中嘅「イクイクの実」大相徑庭。但單單係呢個名出現於原作之中，就已經足夠引起日本網民熱議。

18禁同人誌

唔少日本網民見到「イクイクの実」之後都驚訝「呢個果實唔係只存在於同人誌世界咩？」、「我見到熱搜出現『イクイクの実』，仲以為係有咩奇怪新AV推出」、「原作終於追上同人誌了」；亦有人估計，尾田榮一郎係故意於原作使用呢個果實名稱，不過目的唔係「認可」同人誌，而係為「イクイクの実」下一個官方定義，阻止同人誌作家繼續用呢個果實名稱。