日本大廠三得利（Suntory）最近玩回憶殺，以著名國民動畫《櫻桃小丸子》為主題，拍攝出一系列啤酒廣告，描述小丸子等人20年後嘅生活。並搵嚟廣瀨鈴飾演「Premium版小丸子」，伊藤沙莉飾演「Premium版小玉」，而小田切讓則化身為「Premium版花輪同學」，引起網民熱烈討論。

為咗宣傳The PREMIUM MALT'S啤酒去年底在日本換上新包裝，三得利近日推出一系列以《櫻桃小丸子》為題嘅新廣告，講述小丸子一行人20年後嘅生活。目前已經播出了「重逢篇」及「信件篇」兩段影片。

其中「重逢篇」講述小丸子同小玉兩個閨蜜時隔20年後喺紐約酒吧再次見面，而花輪就喺酒吧外嘅名車中型爆登場。而第二彈「信件篇」中，小丸子同小玉就拎住The PREMIUM MALT'S啤酒，回憶兩人童年時光，並打開時光膠囊信件露出驚訝表情，預計3月會再有另一條廣告，到時候兩人先會同花輪重逢。

值得一提嘅係，今次廣告係由櫻桃小丸子製作團隊「さくらプロダクション」監修製作，並以漫畫經典篇章「小玉，我最喜歡妳了」為基礎改編，唔知兩人見返花輪同學會有咩反應呢？