由FromSoftware開發、主打多人合作生存玩法嘅《艾爾登法環 黑夜君臨（Elden Ring Nightreign）》終於敲定正發售日期，並同步公開全新宣傳片，各位係時候約定班好機友，一齊感受宮崎英高嘅善意喇！

據官方介紹，《艾爾登法環 黑夜君臨》將延續《艾爾登法環》世界觀設定、敵人及武器，並採用全新多人合作動作生存冒險玩法。玩家將會化身成「渡夜者」與其他兩位玩家組隊（亦都可以一個人玩），自選不同角色於廣闊嘅地圖中度過3日3夜，期間需要不斷探索地圖及打怪藉此強化角色，以儲足實力迎戰第3日會出現嘅最終Boss「黑夜王 Nightlord」。而且無輪打贏或打輸，完場後都會獲得「遺物」獎勵，裝備在角色上可以提升基本屬性、強化技能或解鎖被動效果等，讓玩家能夠定制出屬於自己嘅獨門玩法。

《艾爾登法環 黑夜君臨》將於5月30日登陸PS5、PS4、Xbox Series X|S、Xbox One及PC等多個平台，由即日起開放預購，售價分別為HK$299（標準版）及HK$399（豪華版），有興趣嘅朋友敬請留意。