《任天堂明星大亂鬥》及《星之卡比》之父櫻井政博認為，西方玩家之所以會買日本遊戲，就係希望可以體驗與西方遊戲截然不同嘅元素，所以開發商無須刻意迎合西方市場口味。

令和6年度（第75回）芸術選奨贈呈式・祝賀会
豪華な面々がズラリと並ぶ、貴重なカットです！#青山剛昌 氏と #桜井政博 氏には、文化庁で独占インタビューさせていただきました。
こちらも是非ご覧ください！
▶https://t.co/JOG49DYjO4#芸術選奨 #開発好明 #金築浩史 #Nerhol #押山清高 #橋野桂 pic.twitter.com/1cnGnYv2Rr

— 文化庁 (@prmag_bunka) March 18, 2025

著名遊戲製作人櫻井政博日前獲日本文化廳頒發獎項，以表揚佢嘅YouTube頻道「櫻井政博談遊戲製作」對產業作出重大貢獻。櫻井政博透過該頻道以通俗易明嘅方式，分享自身多年遊戲開發經驗，甚至設有英文版，影響無數對遊戲開發有興趣嘅年輕人。

事後櫻井政博接受日媒《entax》專訪，被問到近年海外遊戲市場發展蓬勃，尤其係中國，日本遊戲業應該如何應對時。櫻井政博表示：「我認為日本開發商應該專注製作日本人喜歡嘅東西。之前業界出過一股風潮，因為見到美國有好多受歡迎嘅作品，就打算製作美式遊戲迎合市場。但事實上，我認為海外嘅『日本遊戲愛好者』並唔係想要呢樣嘢，佢哋真正想要嘅係日本遊戲獨有嘅特色同趣味性。與其硬改迎合，不如堅持自己嘅風格，令欣賞呢種風格嘅玩家樂在其中，或者咁先係最理想嘅狀態。」