{ SKIP }
文:MenClub 艾力克  
POSTED ON 02 May 2025

由2K Games推出嘅著名射擊RPG遊戲《Borderlands 4》,原定計劃在9月23日登陸PC/PS5/Xbox Series X|S等多個平台 ,但官方日前突然宣布提前約兩周至9月12日正式發售,令唔少網民猜測係咪為咗避開《GTA 6》。

《Borderlands 4》官方透過聲明表示,經過深思熟慮,加上多次會議、遊戲測試以及開發工作後,決定將遊戲從提前至9月13日發售。雖然提前發售喺遊戲界並唔罕見,例如早些年嘅《柏德之門3》、《人中之龍8外傳》,以及最近推出嘅《上古卷軸 4:遺忘之都 重製版》都試過提前發售。但由於2K Games同《GTA 6》開發商Rockstar Games同屬Take-Two旗下嘅公司,所以有網民就猜測,2K可能係知道《GTA 6》實際發售日期後,先至將《Borderlands 4》提前,免得兩款遊戲撞期正面交鋒。

對於網民嘅猜測,《Borderlands 4》開發商CEO Randy Pitchford就喺X上澄清,表示遊戲提前發售純粹係因為團隊對遊戲好有信心,加上開發進度非常順利,同其他作品嘅實際或預計發售日無關。不過佢有佢澄清,網民亦有自己嘅解讀,依然有好多人覺得呢個舉動同《GTA 6》有關。

直到目前為止,《GTA 6》仍然未發布第二近預告,亦未公布實際發售日期,只係表示會在「秋季」發售,即係大概9月至11月之間,或者大家可以期待一下最早9月就有得玩喇!

資料來源:IGN
如果大家有印象,早期嘅Pixar動畫都會喺片尾放上(偽)NG鏡頭,例如角色唔記得台詞、工作人員唔小心入鏡、甚至撞到攝影機等蝦碌畫面,但自從《怪獸公司》之後,呢個傳統就停咗。而在今年7月上映嘅《外星奇遇記(Elio ...
hobby
【影視】Pixar動畫經典NG鏡頭回歸!《外星奇遇記》片尾搞笑片段率先曝光
13 Jun 2025
機迷唔使再爭論第一定第三人稱視角好啲喇,今集田任你切換!
hobby
【電玩】《生化危機9 安魂曲》公開主角及故事簡介 能自由切換第一人與第三人稱視角
13 Jun 2025