隨住「鐵血戰士」系列首部動畫電影《鐵血戰士：終極獵殺者（Predator: Killer of Killers）》將於下月播出，官方今日搶先公開正式預告，好讓影迷一睹為快！

本作由《鐵血戰士：狩獵追擊（Prey）》導演Dan Trachtenberg執導，聯同Micho Robert Rutare共同撰寫劇本。故事橫跨維京時代、幕府日本及二戰時期，講述三位來自唔同時代嘅人類戰士，如何對抗強大嘅血獸（Predator），包括帶著幼子進行復仇之旅嘅維京海盜、為爭奪繼承權同兄弟割裂嘅忍者，以及一位調查空中神秘威脅嘅二戰飛行員。雖然三位戰士喺人類世界都係極其兇猛嘅殺手，但對住殺手中嘅殺手「血獸」，又能唔能夠打得贏呢？電影將於6月6日在Disney+正式播出。