《死神來了：血脈》已經為呢個經典系列圓滿收尾喇喎，唔通新一集係講下其他家族點樣被死神「收割」？

經典驚慄片系列「死神來了」第六部曲《死神來了：血脈（Final Destination Bloodlines）》在今年5月上映後，無論票房定口碑都破晒系列紀錄，遠超之前任何一集。成功以5,000萬美元成本在全球斬獲2.86億美元票房，更帶動整個系列全球累計票房衝突9.83億美元，成為新線影業旗下第三賣座恐怖電影系列，僅次於《詭屋驚凶實錄（The Conjuring）》系列23億美元及《小丑回魂（It））》系列12億美元。

據外媒《THR》獨家報導，片商見到成績咁好，目前正在籌備再推續集！《血脈》聯合編劇Lori Evans Taylor已確定回歸撰寫最新一集劇本，而曾執導首三集MCU《蜘蛛俠》嘅Jon Watts同佢老婆Dianne McGunigle，以及Craig Perry、Sheila Hanahan Taylor、Toby Emmerich亦會回歸繼續擔任監製。電影目前仍處於早期階段，暫時未知開拍及上映日期，但應該就唔使好似之前咁，等足14年先有得睇嘅。