博人出千鳥《BORUTO》新預告!

文：MenClub 魏文青　　
POSTED ON 25 Jun 2015

又到星期四，又係大家追漫畫嘅時候，唔知仲有冇追緊《火影忍者外傳》呢？呢套理論上應該係鋪路比鳴人個仔「博人(Boruto)」接棒嘅漫畫，結果博人出咗兩話多啲就被神隱，唔好講主角光環依然強大嘅老豆鳴人，就連丁次個女小蝶出場都多過佢。如果只係講漫畫就當然唔係大問題，但問題係一套用佢個名黎命名嘅戲8月7日就上啦喎，作為主角嘅佢存在感會唔會太低呀？

冇錯，火影新劇場版《BORUTO-NARUTO THE MOVIE-》啱啱公佈咗預告，故事圍繞博人一代嘅中忍考試發展。咁睇黎就係：一開始中忍考試一班正常人打到火紅火綠，之後唔知喺邊度走過超強壞人出黎，跟住佐助同鳴人就帶埋博人一齊去對抗敵人……整鬼你個劇情咁似喺邊睇過嘅呢……

唔單止啲劇情，就連啲人物都係撞口撞面。因為木葉新一代嘅人設基本上就係將上一代嘅特徵各自拎一半再合返埋，所以驟眼睇落真係好難分。就好似呢一幕，我唔講呢個係小李個弟子你會知咩？

咁理論上都係主角，博人同莎拉娜都有啲主角威能嘅。例如喺外傳已經開咗眼嘅莎拉娜就正式以寫輪眼上陣，博人除咗有個超級老豆，仲走咗去拜佐助為師，結果可以自己出螺旋丸之餘仲學埋千鳥！好彩千鳥都係卡卡西教佐助，唔係我差啲以為博人其實係佐助同嗚人生嘅～
開咗眼嘅莎拉娜博人拜佐助媽媽為師呢個奸角一睇就知係姓大筒木越黎越路人化嘅其他四影…… 夫婦兄弟聯手識出螺旋丸又識出千鳥，博人仲唔係佐助同鳴人嘅結晶品？