綾波麗版以白色為主，配以傳說中嘅「綾波藍絲帶」作點綴。整體風格同綾波麗一樣咁Pure咁True，絕對唔會過份花巧。胸圍上嘅暗紋仲要係「朗基奴斯之槍」！真係匠心獨運呀！

而式波(明日香)版就當然係大紅燈籠高高掛，加上大量使用哩士，盡顯熱情本色。但又不忘配以上綠下橙小蝴蝶結，提醒一下各位看官其實佢都有溫柔可愛一面。嗱嗱嗱，呢啲咪就係傲嬌本色！

而明明係粉紅色嘅眼鏡娘真希波版，就唔知點解用咗紫色黎做主色。但亦因為咁，所以文青認為佢係最有淑女味道嘅一款。設計方面同明日香版大同小異，蝴蝶結方面就換上紅酒色。