{ SKIP }
文:MenClub 魏文青  
POSTED ON 01 Feb 2016
電視都有賣,「你係咪傻架,飲未煲過嘅溪水(個「K」音要發得清楚啲呀下)」,所以大家都知溪水,係唔可以亂飲。而喺香港唔好講溪水,連水喉水都要煲過先可以飲--如果你唔拉均一世計就連煲過都唔飲得添!咁萬一如果你唔知點解流落野外,又搵唔到乾淨水源,又可以點做呢!呢個時候你就需要呢碌「登櫈鄧櫈(叮噹法寶聲)神奇飲管」! 


呢碌貌似粗壯版電子煙嘅嘢,其實係「LifeStraw」系列之一。而「Lifestraw」就係瑞士公司「Vestergaard」嘅產品之一。根據佢哋嘅自我介紹,「Vestergaard」係一間專門為發展中國家開發「控制疾病(disease control)」產品嘅公司。當中包括HIV測試、食物安全等等。而「Lifestraw」就係濾水用品系列。上面嗰碌,就係其中一款手提濾水器,真名叫「Lifestraw Steel Two Stage Filter」。犀利在於唔使電、唔使泵,只係需要將佢當飲管咁隊落天然水源直接啜就得,就算係冇煲過嘅溪水都冇問題!


一切其實都係靠入面嘅兩層「碳過濾(Carbon Filtration」,能夠過濾99.9999%嘅細菌、以及99.9%微生物,仲可以過埋氯、有機化合物、仲連味道都可過埋,而且一支可以過濾100公升水,個濾芯仲可以換、就算買碌新嘅都只係要60美金(約480HKD)、而且買一碌仲可以順手贊助埋非洲一名學童一整年用量嘅乾淨水。真係完美架喎咁睇黎--唔知過唔過到鉛呢你估?
Lifestraw
《忍者龜》事隔近十年再度翻拍真人版電影,今次仲會以R級規格製作!
hobby
【影視】派拉蒙宣布開拍「忍者龜」R級真人版電影《最後的浪人》
15 Apr 2024
根據現場傳媒文字描述,大家唔使擔心Deadpool過檔迪士尼後會變得合家歡喇,Deadpool依舊咁抵死幽默!
hobby
【MCU】《死侍3》於CinemaCon展示9分鐘片段!延續原有R級片風格
12 Apr 2024