{ SKIP }
文:MenClub 魏文青  
POSTED ON 28 Jun 2016
歷年黎經典漫畫何其多,但就算神級如《龍珠》都總有人話佢「不停變勁好無聊」(我真係有聽過)。反觀井上雄彥老師嘅《Slam Dunk》雖然只係連載咗短短六年,但睇過嘅人都會認同佢係神級之作,實屬非常難得!轉個眼今年就係《Slam Dunk》結束連載廿週年,黎緊嘅暑假,港台兩地都有相應嘅活動慶祝!係Fans嘅就唔可以錯過啦!

圖片:天下日本漫畫


先講香港,天下出版社會於暑假期間再次推出一整套24期嘅《Slam Dunk》完全版,等想儲漫畫版嘅粉絲一完心願。你可能會話漫畫我都有儲齊,不過特別在於今次出嘅係「木盒特別紀念版」,除咗漫畫本身,仲會送多個啱啱好放到全套漫畫嘅木盒等你好好收藏。而且仲會分成「金」、「銀」兩個版本,分別就在於漫畫封面會用上金或銀色印刷。

銀版已經於各大漫畫店接受預定,但金版就只可以於動漫節(7月29日~8月2日)期間去天下出版嘅攤位買,仲送海報一張添!


圖片:籃球部落 DA VILLAGE


香港有木盒,台灣嗰邊就有展覽。一年一度嘅「漫畫博覽會」早前就宣佈會於會場內設立「灌籃高手主題館」,雖然目前嘅情報就只係話入面有會埸限定嘅官方周邊商品,但應該都唔會令粉絲失望嘅!

漫畫博覽會會於8月11日~8月16日喺台北世貿一館舉行,入埸費$120台幣,門票已經預售當中。



月頭去香港漫畫節買金版,月中就飛去台灣睇展覽,呢個行程係咪好吸引?


三月初時,我哋同大家報導過Steam鑑賞家「KABRUTUS」設立「Sweet Baby Inc Detected」遊戲「不推薦名單」,以對抗電玩界日益嚴重嘅「政治正確」風氣。時隔兩月,「Sweet Baby Inc Detected」名單嘅追蹤人數已突破38 ...
hobby
【電玩】玩家繼續杯葛「政治正確」 「DEI Detected」網站列出所有「政確遊戲」
30 Apr 2024
每個男人都有個「機械人大戰」夢,無論係好似高達咁坐喺入面撳掣操控,定係好似《機動武鬥傳G》咁動作操控,甚至好似《鐵人28》咁用搖控器控制,總之係有「機械人」同「打交」我哋就會兩眼發光。而東京鐵塔下新開幕 ...
hobby
【日本】真人版《機動武鬥傳G》!東京鐵塔下玩「機械人大戰」
30 Apr 2024