{ SKIP }
文:MenClub 魏文青  
POSTED ON 06 Jul 2016
OKOK,我知引到你哋入黎嘅係「火影」呢兩隻字,但我亦都知實有人對「包包」呢個詞語有意見,話我做咩要做大陸用語,但你睇埋落去先!我係有苦衷架!


話說日本「Super Groupies」就出咗一套三個嘅《火影》聯乘「包包」,分別以「嗚門」、「佐助」同「卡卡西」做藍本。嗚門版係一個背包,用上《疾風傳》中嗚門件衫嘅金黃同黑色為主色,背包上方折疊位置打開會見到鳴門面上嘅貓鬚、前方小格上會有木葉標誌嘅金屬牌、背面就有嗚門嘅標誌、袋底仲有個九尾封印八卦喺到添!


而佐助版就個Tote Bag黎。以白藍為主色,配上紫色嘅麻繩,靈感明顯都係黎自佐助件衫。物料方面就係合成皮革,背面印上宇智波家紋,矮入面仲有佐助隻「永遠的萬華鏡寫輪眼」。


第三款就真係有啲難估啦,軍綠色原來係代表卡卡西。特登用上傾斜嘅設計,就係為咗模仿卡卡西成日遮住左眼。正面同樣有木葉Logo。


你睇呢三款袋全部都唔同類型,我又諗唔到啲咩詞語可以一次過稱呼哂佢哋,所以咪用「包包」囉!嗱呢幾個「包包」可以於Super-Groupies嘅網站同Beam Japan中買到。嗚門版同佐助版盛惠9200JPY(約700HKD),卡卡西版就8200JPY(約620HKD)。
Super-groupies
預計在明年夏天正式上映嘅《反斗奇兵5(Toy Story 5)》,近日流出一批疑似係劇照嘅渲染圖,隨住引起Fans們熱烈討論。事關相中唔見薯蛋頭先生及薯蛋頭太太嘅身影,令人擔心迪士尼會喺新一集刪走呢兩位經典角色。 ...
hobby
【影視】《反斗奇兵5》首批渲染圖曝光 薯蛋頭先生及太太或缺席今集?
09 Jul 2025
日本動漫文化於全球都有重大影響力,而隨住更多動畫登上各大串流平台,其受歡迎程度似水漲船高。近日Netflix就公佈最新數據,指出日本動畫嘅觀眾於過去數年間以倍數增長,到目前為止其全球訂閱者中有一半都會觀看日 ...
hobby
【影視】日本動畫成全球主流 Netflix指半數訂閱者近3億人觀看動畫
09 Jul 2025