{ SKIP }
文:MenClub 魏文青  
POSTED ON 17 Jul 2016
有人話冬天好想食嘢減唔到肥,但我話夏天其實仲難減!因為就算你熱到冇咩胃口,但出街行兩步都身水身汗,真係好需要飲返罐凍飲消消暑!不過唔知你有冇試過飲哂雪櫃啲凍嘢唔記得雪返、又或者同朋友去咗荒山野嶺冇士多補充凍飲嘅困境?如果有,呢個目前喺Indiegogo集緊資嘅「HYPERCOOL」就可以解你燃眉之急,因為佢可以喺六十秒內將一罐室溫嘢飲雪到得返三度!


睇落好似魔術,其實當中運用嘅只係一個簡單物理學原理!喺拎出街用之前,要先將內置嘅冰格加水,放入冰箱雪成一大箱冰,再放入隔熱盒中備用。用嘅時候,每次可以將最多兩罐飲品放上冰層表面,再以特製嘅摩打推動飲品於冰面上打轉。如是者冰塊就會開始溶解,同時帶走飲料中嘅熱力,旋轉又會令飲料平均「受冷」,所以只需轉六十秒就可以急速降溫。


設計出「HYPERCOOL」嘅芬蘭返計師Sami Sarkkinen指每一箱冰大約可以急凍18罐飲品,之後只需要再將啲水雪返做冰又可以再用。而特製摩打就以AA電推動,大約可以用100次。除此之外就冇其他電子部份,簡單得黎又好安全。而且一個只係賣79蚊美金,即係600HKD左右。絕對係夏天居家旅行必備嘅消暑聖物!




想當年大家睇住橋本環奈憑著「奇蹟的一杖」成為「千年一遇美少女」而爆紅,估唔到話咁快佢就已經長大到要談婚論嫁嘅年紀。據日本雜誌報導,環奈BB已經接受拍拖三年嘅男友中川大志求婚,二人不但連家長都見埋而且已經 ...
hobby
【悲報】前排分手實為煙幕? 傳環奈BB將嫁中川大志
10 Jul 2025
由Ben Stiller主演嘅冒險喜劇《翻生侏羅館(Night at the Museum)》系列,距離第三集、亦即係最後一集已經有11年歷史。最近有消息指,呢個人氣系列正在籌備重啟,同樣以博物館為背景,但會講述一個全新故事。 ...
hobby
【影視】消息指《翻生侏羅館》正在籌備重啟 但Ben Stiller或不會回歸
10 Jul 2025