我唔肯定《EVA》到底仲有乜嘢未出過，但今次賣樓就幾有噱頭。第3新東京市推出新盤，今年6月開售。幾錢？800yen咋，上車要快！

《EVA》產品仲有乜嘢未出過呢？我唔肯定，但呢套第3新東京市盒玩就似乎未見過，一套8款建築物任你自由組合出第3新東京市。雖然呢套盒玩未去LEGO咁任你砌，但每件建築物嘅底座都可以互相連結，等你可以砌出1/2500嘅第3新東京市，每件底座係60x60mm，一共有8款唔同建築物，仲有初號機同埋第4使徒嘅公仔添。800yen一盒，暫定6月發售。

ジオクレイパー TOKYO-III シーナリー