{ SKIP }
文:MenClub 魏文青  
POSTED ON 28 Sep 2017
講起「Playboy」,你一定會諗起三樣嘢:《Playboy》雜誌、Playboy大宅、以及《Playboy》創辦人Hugh Hefner。而呢位可謂改變整個男士雜誌生態嘅一代花花公子,喺中風後經過多年低調生活,最終於美國時間27日在Playboy大宅中與世長辭,終年91歲。(BBC報導)


年輕時嘅Hefner曾經係另一知名男性雜誌《Esquire》嘅作家,後來因為加人工不成之出走,狠下決心按咗層樓、說服45位投資者(包括佢阿媽)出資約一萬美元創立《Playboy》,第一期封面搵黎當代性感尤物瑪麗蓮夢露做封面,入面更有佢嘅全彩裸照——準確啲黎講,係Hefner見到報紙有賣瑪麗蓮夢露拍攝裸體月曆,於是走去印月曆嘅印刷公司用500美元買咗啲相黎出)——結果賣出50000本,《Playboy》大業由此而起。


除咗創立《Playboy》雜誌,Hefner另一個最出名嘅資產就係位於美國加州比華利山附近嘅Playboy大宅。Hefner於1971年購入呢間室內面積近22000平方尺、整體佔地2.1公畝嘅大宅,並將佢改建成自己嘅皇宮,在70年代大搞派對,酒池肉林、賓尼女郎、紙醉金迷盡在一堂,成為一時佳話,Playboy大宅亦係Hefner多年來與多位女友、玩伴嘅居住之地。2016年Playboy企業將Playboy大宅出售,但條件之一就係Hefner必須繼續住喺大宅之中(即係買屋送Hefner),而佢著名嘅Hefner Bedroom亦必須保持原狀——直至佢去世為止。


近年互聯網已經漸漸取代雜誌報紙,成為大家最主要嘅資訊來源,地位大不如前嘅《Playboy》雜誌亦需要經歷一輪痛苦嘅「唔出裸照、又出返裸照」變革,摸索未來發展。配合進入近年多次中風、低調生活嘅Hefner,成件事真係好有英雄遲暮嘅感覺。今日一代花花公子逝世,Playboy大宅轉手,多少風流韻事又會隨之而去呢?
BBC
Google過去之所能夠掌握整個網絡世界,在於透過Google搜尋以及Chrome瀏覽器掌握大量用戶數據,繼而將其轉化成廣告資源。不過隨住ChatGPT等AI出現,大家由「有事問Google」變「有事問AI」之後,Google搜尋嘅地位就備 ...
tech
【科技】挑戰Google龍頭位置 傳OpenAI將於數週內推AI瀏覽器
10 Jul 2025
想當年大家睇住橋本環奈憑著「奇蹟的一杖」成為「千年一遇美少女」而爆紅,估唔到話咁快佢就已經長大到要談婚論嫁嘅年紀。據日本雜誌報導,環奈BB已經接受拍拖三年嘅男友中川大志求婚,二人不但連家長都見埋而且已經 ...
hobby
【悲報】前排分手實為煙幕? 傳環奈BB將嫁中川大志
10 Jul 2025