由之前嚇到所有人叫曬老母嘅恐怖電影《The Conjuring》延伸出來嘅外傳電影《The Nun》近日終於釋出預告。

修女今次終於做主導啦。如果之前有睇過《Annabelle 2》嘅你，應該會留意到電影尾聲彩蛋岀現修女嘅畫面，正正預告鬼修女會延伸拍外傳。

今次《The Nun》會由拍開驚慄片嘅Corin Hardy執導，唔好失望住！温子仁亦會岀仼今次電影嘅監製。故事講述於 1952 年，在羅馬尼亞的修道院有一名年輕修女離奇輕生死亡，因此梵蒂岡派出藏有悲慘過去的神父和見習修女前往調查真相，他們打算揭開神秘教團的邪惡祕密，卻被一股邪惡的力量阻擋，令自己身陷險境。

要留意嘅除左劇情之後，亦都有第二個亮點。就係電影女主角Taissa Farmiga，飾演年輕見習修女。Taissa Farmiga嘅外表十分搶眼，望落五觀有D似《詭屋驚凶實錄》入面嘅女主角Vera Farmiga，無錯啦其實兩人係親生姐妹。Taissa Farmiga年紀輕輕已經係《美國恐怖故事》中表演岀眾，受到不少觀眾嘅喜愛。相信係今次嘅電影都唔會令我地失望。今次電影靜係得妹妹有份參加，唔知遲D會唔會有機會見到佢地兩姐妹一拍嘅鬼片呢？

至於電影幾時上演？官方公報電影將於9月7日在北美地區上映。相信香港都會緊隨其後上映。温子仁嘅粉絲記得到時入場睇啦！