暗瘡形成嘅原因好多人都認為係塊面唔乾淨，做唔夠清潔等。有無試過做極護膚都不斷生暗瘡？咁就可能係身體內在嘅問題影響啦。而暗瘡就係身體發岀嘅警告信號，今日就等我同你哋一一解開呢D警告信號啦。

【下巴生暗瘡】內分泌失調，腎虛

中醫認為下巴屬腎，下巴生暗瘡即代表荷爾蒙出現變化或內分泌失調。腎臟主理水分代謝，如果成日飲凍飲，加上腸胃唔好，腎虛，下巴就有機會生暗瘡。

【改善方法】

男人腎虛好大鑊！應戒食生冷食物，保護好自己個腎呀。多食有效平衡內分泌食物，例如蔬菜，生果，豆類等。

【額頭生暗瘡】心火盛，壓力大

額頭代表心臟，若壓力過大，缺乏休息，便會引致心火旺盛，導致額頭爆瘡。另外亦有可能由於缺乏休息，導致體內毒素積聚，令肝臟應付唔到而引發暗瘡，所以額頭生瘡亦反映肝臟失調。

【改善方法】

心火盛，就得閒岀岀火，忍住忍住好辛苦架。釋放壓力，好好放鬆自己咁就可以訓得好啦。

【太陽穴生暗瘡】膽汁分泌不足
太陽穴附近出現暗瘡，係因為膽汁分泌不足。打工仔平時食得太多快餐同飯盒。當中含過量油脂或化學防腐劑，導致膽囊負擔加重，造成膽囊阻塞膽汁分泌不足。

【改善方法】

少食街外嘅快餐，多D係屋企自己煮晚餐。一來可以注意飲食，二來又可以做暖男。再唔係就飲苦瓜汁幫身體做大掃除。因為苦瓜可以吸收油脂架。

【鼻頭生暗瘡】飲食問題

鼻屬脾胃。鼻位置生暗瘡，多數同飲食有關。鐘意食高熱量，油炸，重口味嘅食物，同時煙酒又過量，又有吃宵夜習慣嘅人。腸胃根本無法負擔這樣的飲食習慣，所以鼻就會爆瘡。

【改善方法】

唔想鼻頭粒暗瘡大到嚇親人？就要飲食習慣要轉清淡，盡量選擇少油、清蒸或水煮嘅食物啦。

【面頰生暗瘡】睡眠不足

面頰在中醫屬肝。在面頰位置生暗瘡，反映睡眠狀態唔好，經常熬夜晚睡或者常吃熱氣食物。導致肝氣過旺，加上肝難以排泄體內毒素就會岀現以上情況。

【改善方法】

盡量提早睡眠，因為凌晨1點3點是肝臟排毒嘅黃金時間，肝臟有充分休息就可以減少呢個問題啦。