{ SKIP }
文:MenClub Mean娜  圖:互聯網
POSTED ON 14 Nov 2014

好多人都鍾意玩RPG(角色扮演)遊戲,喺遊戲中玩家可以扮演勇者、魔法使等等人物,展開一段段驚險旅程,當中經常要戰鬥啦、自我增值啦、賺錢啦、先可以升呢推進遊戲,有啲RPG Game仲有分叉的感情線,玩家往往唔會玩一次就收自己皮,好多都重覆玩晒各個感情線同埋不同結局,將遊戲內嘅角色潛能發揮得淋漓盡致。

不過而家RPG唔再局限於虛擬世界內,因為澳門即將開創全球首個「實況角色扮演」主題樂園 - Planet J冒險王國。Planet J冒險王國將座落澳門路氹金光大道金沙城中心,佔地達十萬平方呎,為澳門本土第一個主題樂園,將於2015年夏天揭幕。



喂!唔明喎!即係點玩先?!先介紹個遊戲背景啦!Planet J冒險王國以「魔石王國」為故事背景,參加者作為預言中的冒險使者,被召喚到來擊退邪惡魔石獸,拯救魔石王國的國民。

一進入樂園,每位玩家都會獲發一本「魔導卷」,作為連接樂園內超過200個精彩遊戲設備的個人電子裝置,程中玩家要透過身體協調主導旅程,完成挑戰,當中會遇到不同的故事情節、同伴及敵對角色,推動旅程向不同的方向發展。而「魔導卷」系統除了作為推進故事及帶領玩家完成不同任務的導航,亦會記錄冒險使者的遊戲進度,讓他們日後重返魔石王國時,繼續自己的冒險旅程,接受難度不斷升級的挑戰。





依Mean娜嘅創作力量同幻想嚟諗,成個遊戲應該就係要你周身郁咁去打怪獸、完成不同任務去升呢過關之類吧?聽落就好似幾好玩喇~仲有得Save等你第日返嚟Keep住進度,唔知各位Gentlemen有冇興趣呢?
日本動漫文化於全球都有重大影響力,而隨住更多動畫登上各大串流平台,其受歡迎程度似水漲船高。近日Netflix就公佈最新數據,指出日本動畫嘅觀眾於過去數年間以倍數增長,到目前為止其全球訂閱者中有一半都會觀看日 ...
hobby
【影視】日本動畫成全球主流 Netflix指半數訂閱者近3億人觀看動畫
09 Jul 2025
預計在明年夏天正式上映嘅《反斗奇兵5(Toy Story 5)》,近日流出一批疑似係劇照嘅渲染圖,隨住引起Fans們熱烈討論。事關相中唔見薯蛋頭先生及薯蛋頭太太嘅身影,令人擔心迪士尼會喺新一集刪走呢兩位經典角色。 ...
hobby
【影視】《反斗奇兵5》首批渲染圖曝光 薯蛋頭先生及太太或缺席今集?
09 Jul 2025