{ SKIP }
文:MenClub 魏文青  
POSTED ON 09 Sep 2020

依家呢個時勢,為己為人出街都係要戴口罩,但世界上總有啲人係唔願意咁做,甚至就連出名守規矩、兼本身就有戴口罩文化嘅日本都唔例外。好似最新就有一名飛機乘客拒絕於機上戴口罩,最後機長決定緊急降落新潟機場,趕咗佢落機先繼續行程。

據《NHK》報導,於9月7日一班由北海道釧路機場前往大阪關西機場嘅樂桃航空之上,有一名男乘客拒絕佩戴口罩。據NHK引述樂桃指,飛機起飛前,空服人員已經留意到該名乘客冇戴口罩,並要求佢戴返,但乘客就冇作出任何反應;起飛後該名乘客繼續拒絕戴上口罩,其他乘客出言指責,而該名男乘客就聲稱要告人「侮辱罪」。隨後空服人員警告該名男乘客,再唔戴口罩就會對其發出書面警告信,結果該名乘客非常串咁答:「你鍾意出咪出囉!」

結果機長認為該名男乘客擾亂機內秩序,緊急降落新潟機場,共將該名乘客趕落機,其餘乘客則繼續旅程,最終整班機延誤2小時15分鐘先到達大阪。

資料來源:NHK
日本動漫文化於全球都有重大影響力,而隨住更多動畫登上各大串流平台,其受歡迎程度似水漲船高。近日Netflix就公佈最新數據,指出日本動畫嘅觀眾於過去數年間以倍數增長,到目前為止其全球訂閱者中有一半都會觀看日 ...
hobby
【影視】日本動畫成全球主流 Netflix指半數訂閱者近3億人觀看動畫
09 Jul 2025
預計在明年夏天正式上映嘅《反斗奇兵5(Toy Story 5)》,近日流出一批疑似係劇照嘅渲染圖,隨住引起Fans們熱烈討論。事關相中唔見薯蛋頭先生及薯蛋頭太太嘅身影,令人擔心迪士尼會喺新一集刪走呢兩位經典角色。 ...
hobby
【影視】《反斗奇兵5》首批渲染圖曝光 薯蛋頭先生及太太或缺席今集?
09 Jul 2025