{ SKIP }
文:MenClub jimjimmay  圖:互聯網
POSTED ON 27 May 2015
今日聽到有專家話今年雨水特別多,類似呢個星期瘋狂落雨嘅狀態,應該會繼續出現,最好有定心理準備,有幾個周末假期都要同雨水玩遊戲。


既然係咁,不如認真地添置吓啲雨天裝備,琴日咪同大家分享咗《下雨天4大時尚配件》,排首位嘅長雨傘絕對喺雨天繼續「型落去」嘅必備工具之一,但當你真喺走去買咗把又型又靚嘅雨傘之後,例如,Fox Unbrellas出品嘅長傘,classic外表之餘,價錢亦有番咁上下,你當然會珍而重之,唔想周圍亂咁擺,呢個時候,幫你「撐」起把矜貴雨傘嘅雨傘架,點都要配合番身份,就絕對唔可以馬虎!

以下有幾款選擇,外型簡約得嚟,設計用意全部都花上心思;

來自加拿大嘅Non-Useless,新推出名為「Catch my drip」嘅雨傘架,賣點一定喺慳位,先得6.5寸闊,你鐘意放喺邊都得,最緊要一點,佢完全能夠將你把價值不菲嘅名遮,無摭無擋似足藝術品咁樣展示出嚟。

另一個慳位設計,就喺由Carlo Contin負責創作,一個個類似小錐形嘅雨傘架通通黏埋牆,你鐘意一排列陣咁放又得,又或者鐘意黏喺屋企不同位置,十足裝置藝術咁樣亦得!

最後,有來自意大利嘅代表,Alessandro Busana設計出一個類似杯型物體雨傘架,命名為「Cup-Superstudio」,可以拎雨傘站穩之外,亦可以套係雨傘上用嚟收集嘅雨水,方便之後清理,設想周到。

資料來源︰mydesy.com


唔知真人版會點樣呈現動作特效、而主角下巴又會唔會愈嚟愈尖呢? blockquote class="twitter-tweet"p lang="en" dir="ltr"Solo Leveling, the global phenomenon, is coming to Netflix as a live-action serie ...
hobby
【影視】Netflix宣布推出《我獨自升級》真人版劇集 由韓星邊佑錫擔任主角
11 Jul 2025
如果大家有印象,Switch 2剛開賣嗰陣,我哋曾經報導過美國一間GameStop分店喺交付預購主機時,因為將收據直接釘喺包裝盒正面,結果粒釘穿咗紙盒,導致螢幕受損出現兩個小洞,引起機迷熱烈討論。最近,GameStop就嘗試 ...
hobby
【出色公關?】GameStop拍賣「破洞Switch 2」及涉事釘書機 所得收益將捐贈慈善機構
11 Jul 2025