{ SKIP }
文:MenClub 波特先生  圖:互聯網
POSTED ON 08 Jun 2018

2018俄羅斯世界盃即將殺到,作為球迷嘅你又準備好未呢?今次我地MenClub就搵黎年輕本地演員游學修Neo一齊黎講下波經,睇下佢又係一位點樣嘅球迷。

黎到現場發現游學修已經著起阿根廷球衣,原來佢自細已經係阿根廷嘅球迷,但係當中佢形容過程有啲無稽,點解呢?

「我自己一定係支持阿根廷的,因為美斯,佢係我唯一最愛嘅球星。06那一屆世界盃,我記得個陣美斯仲係阿根廷嘅後備,而我就係個時候開始追隨他的,因為我姨丈突然好闊佬話送件波衫比我,但又指定要係阿根廷作客,而我係左腳的,所以就上網搵下邊個係左腳踢波的,然後就見到有個叫美斯係左腳的,然後再睇下佢啲片段,好似都踢得唔錯,所以就就印左他個名落件波衫,之後就因為咁,我就不離不棄咁到而家見證住佢已經成為球王了。」

作為上屆世界盃亞軍,今屆世界盃阿根廷陣容上唔算有好大變動,其中核心依然係美斯,咁究竟Neo又覺得阿根廷有無機會拎到冠軍呢?

「阿根廷又名亞軍廷,今屆佢拎到亞軍已經好叻仔,因為你只需要睇下佢嘅人腳,特別係後防真係好唔穩,再加上如果唔係有美斯,阿根廷外圍賽其實已經差啲出唔到線。所以你話信心就唔會好大,但我就點都會撐佢地的。」

其實阿根廷後防確實令人擔心,不過前鋒線則繼續人才濟濟,咁唔知Neo又覺得邊位球員最幫到美斯手呢?

「阿古路!因為有時候默契喺球場上真係有所幫助。另外,近期我亦都留意另一名球員 - 戴巴拿,睇過佢啲片後,我覺得之後如果繼續要撐阿根廷的話,戴巴拿將會係我落注嘅對象。」

作為球迷,Neo又有無啲世界盃特別經歷可以同我地分享呢?

「上屆世界盃我喺意大利上堂,而咁岩附近有一個劇院世界盃期間都會播放賽事,我好記得我經常著住阿根廷球衣,有啲意大利人或阿根廷球迷見我著住阿根廷球衣都會問我係咪阿根廷人,我就話我唔係,我係香港人,呢一點佢地係唔明白的。之後我就發現原來呢樣係香港比較獨有嘅特色黎,我們會著起唔同國家嘅國家隊波衫,但其他人唔會的,可能因為其他人嘅國家經常可以踢世界盃,歸屬感較強吧。」

雖然香港要打入世界盃決賽週接近無可能,但係就算踢外圍賽或其他國際賽事嘅時候,各位球迷都不妨著起港隊波衫入場支持我地嘅香港隊啦!

不論你對ViuTV持有甚麼態度,你都不能否認它近年為香港娛樂圈捧出一群至少有話題性的年輕面孔。單論《全民造星》系列就為大家「貢獻」出Mirror、Error、P1X3L、Collar四隊組合,再加MC張天賦、Mansonvibes 張進翹、A ...
people
【MenClub People】鍾意,己經夠啦 - Johnny Hui 強尼
30 Sep 2022
第一次親眼「見到」洪嘉豪,是去年年尾在Jace (陳凱詠) 的演唱會上。雖然當晚他只是作為觀眾於台下睇Show,但每到Jace準備邀請嘉賓上台時,我旁邊就會有個不知名男觀眾,不停用洪嘉豪欠他錢沒還似的語氣大叫「洪嘉豪 ...
people
【MenClub People】一步一腳印 - Kaho Hung 洪嘉豪
04 Jul 2022