世界軍人運動會較早前於中國武漢舉行，期間中國解放軍代表隊卻爆出「出貓」行為，最終被大會取消資格，間接令中國面子全無。

作為主場隊伍，中國解放軍代表隊於項目「定向運動」入面，被發現根本全程接近無用到指南針及地圖，兼且離開預定嘅航道，但又可以完成比賽。另外，亦有指現場有觀眾為解放軍隊指明道路，路上亦有好多事前已經標好只有佢地知道嘅標記，因此判定佢地出貓，即時取消資格。

要知道定向比賽，就係讓各支隊伍去到一個無人知道方向，單靠指南針及地圖尋拎道路，最快去到終點嘅為之勝利，所以當有隊伍竟然事前做手腳落標記，唔使靠針南針同地圖完成比賽，係完全對定向比賽嘅侮辱。

世界軍人運動會每四年舉辦一次，所以可以話係軍人嘅奧運會，今年於中國舉辦，大會接待了10000名世界各地嘅軍人參賽者、教練及官員，而其中中國習近平「習大大」亦都主持了開幕儀式。

對於今次中國解放軍代表隊出貓一事，中國國防部暫未有任何回應，不過事件相信亦已經令中國官方顏面掃地了。