{ SKIP }
文:MenClub 波特先生  圖:互聯網
POSTED ON 21 May 2020

相信唔少利物浦球迷對於前英格蘭國腳奧雲加盟死敵曼聯一事,應該難以原諒對方,甚至笑言呢位「反骨」射手係「曼聯名宿」。不過奧雲卻直言,當日佢離開紐卡素其實最想回歸利物浦,但卻被當時領隊賓尼迪斯拒絕。

奧雲由1991年開始於利物浦青年隊訓練,並於1996年正式出道,直至2004年離隊。其後佢轉戰皇馬及紐卡素,並於2009年轉投利記死敵曼聯。不過於利記多年都拎唔到聯賽冠軍,轉戰曼聯後於2010-11球季終於奪得其人生第一個,亦都係唯一一個聯賽冠軍。

奧雲回想當日即將離開紐卡素,佢第一件事就係打比加歷查,並要求對方比賓尼迪斯聽。可惜嘅係賓帥已經準備簽其他球員,好似大衛尼哥,所以球隊已經唔需要前鋒。其後奧雲經理人話比佢知愛華頓、候城及曼聯都有意簽佢,但佢知道加盟愛華頓會被憎恨,加盟曼聯亦都一樣。

當然奧雲第一選擇都係回歸利物浦,不過如果利記唔要佢,佢就要睇下面前嘅選擇,而其中曼聯可以踢歐聯,而佢亦唔使搬離住處,同時曼聯陣中佢亦認識多人,所以轉投曼聯係最好嘅選擇。

對於曼聯有意簽下自己,奧雲亦坦承自己好好彩,因為對方可是聯賽冠軍,最終奧雲一嘗所願奪得英超冠軍,但佢喺曼聯嘅表現確實不算亮眼,不過亦都可以與雲佩斯一樣加入不一樣的「曼聯名宿」陣容既。

網紅Jake Paul 及Logan 兄弟近年醉心打拳,更多次於不同賽事與名人、球星、前拳手較量,每次都吸引到大量注金同最重要嘅資金。而Jake Paul今日就宣佈,將於7月20日與前世界重量級拳王Mike Tyson進行表演賽,而且賽事 ...
sports
【網紅】Jake Paul七月擂台戰泰臣 Netflix有得睇
08 Mar 2024
球證應該點樣界定畀黃定藍牌呢?
sports
【足球】傳球壇將引入「藍牌」制度 被罰球員需離場10分鐘
09 Feb 2024