現年37歲嘅前NBA星級控衛Deron Williams，自2017年退役後已經闊別NBA 4年之外，而較早前佢就已經成功轉職，成為一名拳擊手，並迎來自己生涯首戰。

今次Williams嘅對手係同樣成功轉職嘅前NFL跑衛Frank Gorenc，雙方都算得上係拳擊嘅新人，亦同樣係其拳擊生涯首戰。

未知是否雙方都係新人關係，比賽一開打二人並無試探，並已經好快向對方出拳，其中Deron曾打出一系列組合拳，並成功將對手Frank推倒在地，甚至飛出擂台，最後其實雙方表現都好接近，但Deron最終點數上較佔優，因此結果Deron以39-37擊敗Frank。

生涯首戰就成功取得勝利，實在值得恭喜。而唔知大家仲記唔記得當年Deron就被外界封了一句「吃飯睡覺打保羅」，如今打拳都表現出色，睇怕Chris Paul都真係要驚驚了。