{ SKIP }
文:MenClub 波特先生  圖:互聯網
POSTED ON 07 Apr 2022

作為如今球壇嘅天之驕子,麥巴比一直係豪門嘅第一爭奪目標,但係由於麥巴比一直示意只想加盟皇馬,所以基本上都無另一支球隊插隻腳埋黎。不過最新消息有指,利物浦突然加入呢次麥巴比爭奪戰中,令皇馬及巴黎聖日耳門都感到難以置信。

目前,麥巴比與PSG嘅合同今年6月就會到期,至今佢都無同球隊續約,所以離隊嘅機會極大,當然仍然唔排除PSG嘅天價合同可以留住呢位當紅炸子雞。

正當所有人以為麥巴比只會留喺PSG或加盟皇馬之際,利物浦突入想勸說呢位法國年輕射手轉戰英超。其中一個原因利物浦會加入爭奪麥巴比,係因為PSG有意沙拿,所以令利物浦萌生用沙拿去換麥巴比。

目前麥巴比估計價值至少1.6億歐元,而沙拿則大概值1億歐元,再加上麥巴比比沙拿年輕6歲,所以雙方基本上無可能直接交換,利物浦必須拎出更多金錢或球員先有機會打動PSG。當然,麥巴比有無心去紅軍仍屬未知之數,以一直以黎嘅推斷,佢應該無諗過要轉戰英超的,所以加盟利物浦嘅機會應該不算好大。

網紅Jake Paul 及Logan 兄弟近年醉心打拳,更多次於不同賽事與名人、球星、前拳手較量,每次都吸引到大量注金同最重要嘅資金。而Jake Paul今日就宣佈,將於7月20日與前世界重量級拳王Mike Tyson進行表演賽,而且賽事 ...
sports
【網紅】Jake Paul七月擂台戰泰臣 Netflix有得睇
08 Mar 2024
球證應該點樣界定畀黃定藍牌呢?
sports
【足球】傳球壇將引入「藍牌」制度 被罰球員需離場10分鐘
09 Feb 2024