{ SKIP }
文:MenClub 艾力克  
POSTED ON 19 Nov 2024

一代重量級拳王泰臣(Mike Tyson)日前重返擂台,與年輕31歲嘅網紅拳手Jake Paul上演一場矚目拳場,雖然最終以點數落敗,但58歲仍咬緊牙關打足8回合,堅毅不屈嘅精神卻贏盡掌聲與尊重。唔知係咪受到泰臣嘅精神啟發,現年62歲嘅荷里菲特(Evander Holyfield)今日喺社交平台向泰臣下戰帖,希望兩人能在台上再戰一場,完成彼此之間嘅「三部曲」,仲話Fans們一定想睇。

泰臣與荷里菲特嘅恩仇可以追溯到90年代,兩位頂尖重量級拳手在1996年首次交戰,角逐WBA重量級拳王金腰帶,被外界睇好嘅泰臣除咗首回合打得有來有往,其後都落在對手節奏之中,最終在第11回合被荷里菲特TKO。翌年兩人在賭城年再度交手,戰至第三回合,不滿對手經常攬人又用「鐵頭功」嘅泰臣突然狂性大發,一口咬向荷里菲特耳仔,最終拳證終止比賽判泰臣落敗,同時成為拳擊史上經典一幕。

眼見泰臣日前回歸擂台,荷里菲特今早就突然喺IG貼出一張比賽海報,提議泰臣同佢再戰一場,完成第三部曲,仲話:「Fans會想睇 #未完成的事」不過,泰臣就好快就留言婉拒邀請:「我愛你兄弟,但三曲部就係我哋嘅友誼。」順帶一提,查實兩人喺2021年都傳過會為慈善名義再打一場,但最後不了了之。

事實上,隨住時間流逝,呢對昔日死對頭早已冰釋前嫌,仲成日拎咬耳仔事件開玩笑,例如兩人曾在2013年為某運動品牌拍攝廣告,泰臣在片中撳響荷里菲特門鐘,對方開門後,泰臣送上一個裝有「耳仔碎」嘅盒仔,並幽默地表示:「對唔住,荷里菲特,呢個係你隻耳仔。」荷里菲特接過耳仔後開心表示:「我隻耳仔呀!」最後兩個仲嚟個深情擁抱,橋段認真搞笑。



經典重溫:

資料來源:marca

對於唔少外國觀眾黎講,成龍就係代表中國嘅國際場動作巨星;但對於香港人黎講,除咗演藝事業之外,成龍嘅「代言魔咒」亦相當有名。而近日外國媒體亦開始報導呢個「成龍魔咒」,原因係佢日前現身澳網男女單決賽,而無 ...
sports
【澳網】「東方神秘力量」入侵澳網 男女單決賽輸家都同成龍握過手
28 Jan 2025
昔日在擂台上揮拳雙向嘅Mike Tyson與Jake Paul,似乎比賽結束後就化敵為友。兩人日前共同現身於Donald Trump就職典禮,除咗稱呼對方為「Best friends」,仲大玩騎膊馬,Friend過打Band。 blockquote class="in ...
sports
【拳擊】Mike Tyson、Jake Paul大和解!Trump就職典禮大玩騎膊馬Friend過打Band
23 Jan 2025