{ SKIP }
文:MenClub 魏文青  
POSTED ON 29 Nov 2021

一個名人穿著某啲衣物,有時真係會引起熱潮。例如早前一名老年男歌手嘅「K」字愛鞋,就因為傳說有壯陽效用 (誤) 而被搶購一空;而北韓近年亦因為領導人金正恩愛穿長皮褸而掀起熱潮,但好明顯金正恩就唔鐘意人哋抄佢著衫,因為近日有消息傳出,北韓當局化身「時裝糾察隊」充公哂北韓所有皮褸。

圖:美聯社

據多間媒體引述自由亞洲電台 (RFA) 報導,自2019年北韓領導人金正恩身穿長皮褸現身之後,北韓境內就掀起一陣皮褸熱,金正恩妹妹金與正、其他高級官員紛紛穿上長皮褸,繼而吸引民眾爭相模仿。起初北韓商人會於中國入口真皮大褸,但好快被有錢人搶購一空,而平民百姓亦買唔起,於是後來就改為進口人造皮,並於北韓國內製造販售,結果就搞到一街都係長皮褸。

照計你班國民鍾意你,鍾意到好似追Mirror咁你著咩佢都跟住著,作為一個領導人應該好開心。但金正恩似乎就唔係咁諗。據報目前北韓當局開始搜查製造及販售呢啲皮褸嘅地方,甚至如果見到有人著長皮褸出街,就會直接沒收。《RFA》引述消息人士指,北韓民眾對於自己用錢買嘅皮褸被沒收感到非常不滿。

圖:美聯社

點解金正恩會咁大反應?據報就係因為佢覺得長皮褸乃係權力嘅象徵,而依家啲人唔單止跟佢著,仲要連個款都係跟住佢著嗰件黎抄,搞到成件事Cheap哂。據知北韓警方回應民眾嘅怨言時指:「著領導人同款係『挑戰最高領導人權威』。」仲話只有黨有權決定邊個可以著皮褸。

資料來源:蘋果新聞網

為紀念《哥斯拉》首部電影上映70周年,最近官方宣布同日本品牌Uniqlo合作,推出5款聯乘T-Shirt,除咗最新嘅《哥斯拉-1.0》之外,平成同昭和時代嘅哥斯拉作品都有份! ... ... ...
style
【穿搭】UNIQLO x《哥斯拉》70周年聯乘T-Shirt將於10月登場
18 Jul 2024
在剛過去的星期六上演了溫布頓網球公開賽女單決賽,當中最矚目的就是有著「精靈女神」之稱的 Anya Taylor Joy 與老公一起牽手亮相,實在是羨煞旁人,而與此同時,Anya Taylor Joy 也因為她當天的造型,而引起了網民 ...
style
Anya Taylor Joy 去看溫網女單決賽時,竟手捧著一隻金絲雀?
16 Jul 2024