自今年初波音 737 MAX-8 客機因系統問題導致埃塞俄比亞航空發生空難後，737 MAX 一直被各國禁飛，雖然波音早前已指出 737 MAX 軟件修復程序已經全面完成，但仍然有關當局重新批准復飛。最近美國西雅圖新聞台 KING-TV 報道就拍攝到，多架 737 MAX 客機波音公司工廠內廠，而停泊嘅飛機仲多到連公司停車場都霸佔咗。

早前西雅圖新聞台 KING-TV 報道指出，位於美國華盛頓州倫頓市嘅一間波音公司工廠將多架 737 MAX 客機停泊於公司停車場員工車輛旁邊。而據《Bloomberg》報道表示，波音目前喺全球範圍內儲存咗 500架 737 Max 客機，而上述嘅倫頓工廠就停泊咗100架。

波音為咗存儲 737 Max 客機已經花費咗10億美元，預計到9月份嘅庫存成本將達到120億美元，而目前仲未知 737 Max 客機能唔能夠復飛。波音表示，佢哋會將 737 Max 重新帶回空中，並成為有史以嚟最安全嘅飛機之一，但重建客戶與公眾信心係需要時間，所以波音需要長期努力。

來源：KING-TV