去年9月美國德克薩斯州醫院引入咗嚟自 Diligent Robotics 醫院機械人 Moxi，而近日引入咗 Moxi 嘅幾間醫院都表示減輕咗護士30%工作量，當中任務包括做護士跑腿、提取化驗室樣本等，而呢啲任務都唔涉及與患者嘅深度互動。其實美國同香港一樣都面對住護士短缺嘅問題，而機械人 Moxi 就正正可以協助護士工作，唔知香港有無機會引入呢！？

根據美國勞工統計局分析指出，由2016年至2026年間美國護士崗位將增加15％，但喺崗位增加同時又面對護士短缺嘅困境，所以德克薩斯州嘅醫院就嘗試引進咗機械人護士 Moxi，以協助醫院解決護士緊絀問題。Diligent Robotics 創始人之一 Thomaz 表示，佢哋嘅機械人正在幫助護士處理日常繁瑣雜事，令護士可以更有效發揮自身價值，而唔係讓機械人取代佢哋嘅工作。

醫院機械人 Moxi 擁有兩個機械臂及一組車輪，可以為醫護人員做跑腿工作 Moxi 工作時會連接醫院電子健康記錄系統按照命令與規則工作，同時護士可以設置規則及任務。其實 Moxi 喺學識護士工作花咗好長時間，研究團隊對醫護人員進行咗150小時嘅探訪，以深入了解醫院需求。

來源：Yell Robot