音樂串流現時於世界正大行其道，大家手機內基本上都必定有一兩個App的，但未來可能會迎來大轉變，來自Tesla創辦人Elon Musk公司嘅黑科技，將有機會直接將音樂串流至人類大腦當中。

由Musk創立嘅初創公司Neuralink，正在開發可放入人體大腦嘅植入物，呢種植入物將可以免去帶耳機嘅麻煩。

Musk曾在2019年一次直播中表示，Neuralink會喺人嘅大腦植入柔性電極導線，以此接收神經元訊號，然後再將訊號無線傳輸至鄰近嘅電腦。過程與 LASIK（Laser Epithelial Keratomileusis）手術好似，雷射會喺顱骨射穿一個小孔並植入電極。

而呢項技術，唔單止可以令人類唔使帶任何硬件去聽音樂，而呢項技術最終更有機會治療阿茲海默症（Alzheimer’s）、帕金遜症（Parkinson’s）及失智症（Dementia）等腦部病變問題，同時亦能夠有助改善人體機能。

Musk早前透露，佢認為Neuralink有望一年之內就可以實現，並表示將於今年8月28日公布 Neuralink研究進展嘅更多訊息，希望到時真係可以實現呢個咁不可能嘅任務啦！