Apple iPhone12系列雖然唔少人口裡說不，但身體卻很誠實，追逐最新機款嘅人依然有好多。而今次Apple公司在發佈iPhone12嘅同時亦宣佈，未來再推出嘅iPhone將唔會再隨機附送USB充電器，亦即係如果你係第一次購買iPhone或由較舊世代更換的話，你將需要自己另外畀錢買充電器。

對於Apple呢個決定，外界反應各走極端，有人支持環保，亦有人覺得不能接受。而其中作為主要競爭對手嘅Samsung，喺Apple宣佈唔再附送充電器之後，就曾公開出Post串Apple，當時Samsung發佈一張自家充電器嘅Post，Caption則寫住Samsung會在智能手機上給用戶想要嘅嘢，當中包括最基本嘅手機充電器，到最好嘅相機、電池、效能、儲存空間、螢幕等等。

不過好笑嘅地方係，Samsung好大機會跟Apple風，即將推出嘅旗艦手機S21就睇怕唔會跟機附送充電器，而當時串Apple嘅Post目前已被Delete，呢一點亦都側面肯定咗S21唔會附送充電器。

今舖Samsung真係尷尬到極點，點解佢地唔係傾好晒個情況先出Post嘅咩? 點解可以出Post串完人之後，跟手做同一樣嘅嘢....真係完全諗唔明。