如今智能手機基本上已經成為每個人必不可少嘅物品，講真唔見個銀包都無唔見手機咁肉痛。而手機除左最驚唔見之外，就係最驚佢無電，然後自己身邊又無尿袋，附近又無得叉電，呢樣相信係最慘嘅經歷之一。

而近日就有外國公司對100款最受歡迎嘅App進行研究，了解佢地邊一款最嘥電同最佔儲存空間，唔知你又有當中邊款App呢?

據統計分析發現，排名第一最嘥電嘅App原來係運動手錶App - Fitbit同埋Verizon兩個App，佢地分別會於背景後台開啟多達14項到16項功能，令手機嚴重嘥電同佔用極多儲存空間。而緊隨其後排名第三位嘅就係Uber。而佔用佔用儲存空間最多嘅App則係聯合航空、Lyft及Uber，亦即係話Uber係唯一同時進入最嘥電同最佔用儲存空間前三嘅手機App。

所以當大家真係唔再用呢類App嘅時候，就一定要Delete App啦，亦都唔好以為Kill App就可以幫你慳到電呀。