相信大家都有試過send錯message或者email，Gmail為防止慘劇發生，所以就加入「取消傳送」呢個事後功能，當大家手快快出錯嘢都可以救得返。

呢個新功能即日已經用得，大家只要去郵箱嘅設定就可以搵到「取消傳送」，當啟用功能之後就可以揀5/10/20/30秒「取消傳送期限」令郵件延遲送出，期間你只要撳「復原」就可以重新編輯啱啱send出去嘅email，而對方係呢段期間仍唔會收到你嘅email，所以你可以將問題改到啱為止先再send過都得。其實呢項功能已經收埋咗6年，今次Google將呢個倉底功能拎返出嚟益大家，但係手機app就未有呢個功能，大家要再等多下先。