老老竇竇，Mean娜覺得所有男人心裡面其實都收埋個小女人，唔係指女神或者第三者嗰啲，而係指一顆少女心。至於發唔發出嚟，就睇你嘅少女心有幾重喇。有啲少女心重的男人，可能會心思思想試下做女生的滋味，奈何男人老狗，鬼識扮靚咩，唯有搵人幫手啦，搵邊個？斷估唔係你阿媽掛？

東京澀谷就有間Salon，專為客戶提供特別服務，就係變裝！

入到呢間店，你就可以滿足自己的少女心，搵專人幫你扮靚靚，由大叔變成美眉。

呢間Salon以「變性」為服務宗旨，讓唔喜歡自己目前性別的人，通過呢種方式達到放鬆，並且自在地面對他人。每一次的變裝時間約兩小時，價格大概二萬日元，包括化妝、Set頭（連假髮）以及衣服等等。

而家就睇睇以下呢位大叔，點樣變成可愛的日本妹啦！