風侶店大家都知係咩黎，但你又知唔知咩人會去幫襯風俗店？你或者同好多女仔一樣，都認為會去幫襯風俗店嘅一定係啲溝唔到女嘅可憐蟲、外貌唔討好嘅死毒男，又或者係純粹一個咸濕佬，但近日日本Twitter上就有人提出一個反論，仲得到大量支持！

Twitter 用戶「あかべー」提出，一般人認為只有沒異性緣嘅人先會去風侶店，但實際上會去幫襯嘅，係「有辦法與女生交談、夠膽於女生面前裸體，而且就算身邊有個裸體女子都夠膽觸碰嘅人」，換言之，就係本身已經溝到女嘅人，亦即所謂「現充」。而且佢仲提出，「從未真正與女生交往過嘅男人，係唔會用咁多錢去風俗店」！

呢個論述受到大量日本網民支持，有人亦提出淨係諗到「風俗好貴、會中騙局、唔想中性病」等情況就足以嚇退冇異性緣嘅人，缺乏認識女仔嘅勇氣更加就唔會有勇氣入風俗店。亦有人指單以性欲作為動力，係冇辦法持續地幫襯風俗店，唯有打從心底愛上女性身體嘅人先有辦法於風俗中找到樂趣，換言之，風俗唔係溝唔到女嘅人嘅代替品，而係識玩之人嘅興趣！

唔知大家又點睇呢？