{ SKIP }
文:MenClub 魏文青  
POSTED ON 07 Jan 2022

元宇宙、NFT成為近來熱話,唔少名人都緊貼潮流推出個人NFT,而最新加入嘅,就有大家一定好熟悉、但一定扮唔識嘅日本AV女優神宮寺ナオ!而且買佢嘅NFT,更會附送一個單獨約會、共進晚餐嘅機會! 

今次嘅NFT係由神宮寺ナオ與台灣區塊鏈安全公司「庫幣科技」(CoolBitX)合作推出,嚴格上其實係一個套裝黎,入面包括一個印咗神宮寺ナオ性感靚相、由CoolBitX出嘅加密貨幣硬體銀包CoolWallet Pro、一張可以用黎兌換NFT嘅卡、以及不同嘅粉絲福利。套裝分成五個價錢,最平嘅「Classic」賣5,771台幣 (約HKD$1,625)、最貴嘅「VIP」賣 174,000台幣 (約HKD$49,000),分別就在於NFT嘅造型及種類、以及粉絲福利嘅中獎機率,而且個機制都幾複離。

首先,NFT會細分成照片及影片,其中照片又再分為五組五個造型,由最普通、只係著住日常服嘅「Classic」同「Delight」,再到著住性感黑絲嘅「Devotion」、著性感護士裝嘅「Passion」以至比堅尼泳衣盡露身材嘅「Intimate」,購買不同價錢嘅套裝將影響能夠抽到嘅造型。而「男友視角」影片NFT就只供最貴嘅「VIP」及「Grand」套裝擁有,兩者主要分別係影片長短——但小吐糟一下,「Grand」套裝送嘅三條「Prestige」影片之中,有兩條神宮寺ナオ都係包到實一實,淨返一條又就內衣上陣兼輕脫肩帶,性感程度都相差幾遠。

至於粉絲福利嘅派發機制同樣複雜。Classic、Precious、Goddess套裝嘅購買者,將有不同機率抽中「30分鐘QA問答」、「拍攝後的服裝」以及「單獨視訊聊天」,而名額三個嘅Grand套裝就必中三人團體晚餐,VIP就獨享單獨晚餐。不過要提提大家,餐飯係要飛去日本食,而且交通費及住宿係自行負責架下

如果你都係有興趣,套裝會於1月17日下午8點於Rarible上接受拍賣,大家可以去留意下啦。

資料來源:CoolBitX Innovation Lab

食開日清杯麵嘅大家,相信都對杯麵入面嗰堆唔知係咩肉、唔知點整、但口感同味道都頗為特別嘅「謎肉」非常熟悉,甚至有人係為咗食「謎肉」所以先買日清杯麵黎食。如果你都對「謎肉」情有獨鍾嘅話,咁你就好彩啦,因為 ...
thezone
【日本】日清推單獨發售「謎肉放題」 乾啃亦可
28 Mar 2024
日本採用三學期制,所以學年嘅最後一個學期會於3月完結,換言之依家呢個時間就係學生們畢業嘅季節,當中當然有已經年紀輕輕就已經出道嘅寫真女星。好似今晚要為大家介紹嘅呢位「矢野ななか」咁,就係應屆高中畢業生 ...
girls
【深夜】剛剛高中畢業!LEVEL不同的「矢野ななか」
27 Mar 2024